Англија следната сезона со седум клуба во Лигата на шампионите

Во сезоната 2024/25. Лигата на шампионите се игра во нов формат, за разлика од претходните сезони кои ги следевме. Значи наместо 32, се натпреваруваат 36 клубови и тие не се поделени во осум групи, туку сите се во една.

Во лигашката фаза се играат осум кола, а секој клуб игра по два натпревари со екипи од секој шешир.

Екипите пласирани од првото до осмото место директно одат во осминафиналето, додека екипите од 9 до 24 место играат плеј-оф, односно 1/16 финале.

Интересно е што од следната сезона уште две дополнителни места ќе добијат лигите со најдобар коефициент од претходната сезона.

Тоа значи дека на крајот од сезоната 2024/25 ќе се анализира клупскиот коефициент на УЕФА за таа сезона, а двете најдобро рангирани лиги ќе добијат по едно дополнително место во Лигата на шампионите за сезоната 2025/26.

Во моментов најдобар коефициент имаат Англија и Италија, а интересно е што теоретски Англија следната сезона може да има дури седум екипи во Лигата на шампионите.

Најдобрите 4 екипи од Премиер лигата дефинитивно одат во Лигата на шампионите, а на тоа би се додала и екипата која ќе заврши на петтото место во оваа лига.

Според сегашниот поредок, клубовите кои би се пласирале во Лигата на шампионите се Ливерпул, Арсенал, Нотингем Форест, Челзи и Манчестер Сити.

Значи, Англија има пет сигурни места, но на овие селекции теоретски би можеле да им се придружат уште две екипи.

Тоа би било Астон Вила ако по некое чудо успее да ја освои Лигата на шампионите оваа сезона (игра против ПСЖ во четвртфиналето), а Манчестер Јунајтед или Тотенхем ако некој од овие два тима успее да ја освои Лигата на Европа.

За потсетување, Манчестер Јунајтед во четвртфиналето на Европската лига ќе игра двомеч против Лион, додека Тотенхем против Ајнтрахт од Франкфурт.