Холивудските ѕвезди Анџелина Џоли и Бред Пит постигнаа договор за развод по осум години, изјави нејзиниот адвокат за медиумите. Адвокатот на Пит не коментираше, пишува Асошиетед прес.
Пит и Џоли беа заедно од 2005 година, но се венчаа дури во 2014 година и заедно имаат шест деца.
Две години подоцна, Џоли поднесе барање за развод во 2016 година, наведувајќи ги како причина „непомирливите разлики“. По поднесувањето барањето за развод, двојката се бореше долга битка за старателство над децата.
Во 2021 година, судијата додели заедничко старателство над децата. Анџелина Џоли претходно го обвини Пит дека не плаќа алиментација за децата, што тој го негираше.
Анџелина Џоли и Бред Пит (Бранџелина) се запознале на снимањето на филмот „Господин и госпоѓа Смит“ во 2005 година. Во претходно интервју за магазинот „Вог“, Анџелина Џоли изјави дека го напуштила Пит затоа што тоа е најдобро за семејството.
„Тоа беше вистинската одлука“, рече таа.
Тоа беше втор брак на Пит. Тој претходно беше во брак со ѕвездата на „Пријатели“ Џенифер Анистон.
Пред Пит, Анџелина Џоли беше во брак со Били Боб Торнтон и Џони Ли Милер.
ИЗДВОЕНИ
Спектакуларни снимки од Нови Сад под блокада: Море од луѓе во борбата за правда/ФОТО
Директорот на Управата за извршување санкции потврди дека е најден телефон кај притворениот Јованов, најави дисциплинска постапка
И денеска граѓани ѝ оддадоа почит на Фросина Кулакова во Скопје – за утре во 17 часот закажан нов протестен марш „Кој е следен?“
Мицкоски: Наскоро ќе почнат анкетите за избор на можни кандидати за градоначалници
