Директорот на тимот на Алпин, Оливер Оукс, е уверен дека напредокот постигнат на крајот од минатата сезона ќе биде клучен за болидот А525 кога ќе започне новата сезона.
Сезоната 2024 беше турбулентна за Алпин, со болид што не можеше да се натпреварува со најдобрите, при што Пјер Гасли и Естебан Окон често ги завршуваа квалификациите уште во Q1. Тимот замина на летната пауза со само 11 бода во конструкторскиот шампионат, но ситуацијата почна да се менува со надградбата на болидот, кој беше претставен во Остин. Новите компоненти, вклучително и задното крило, модификациите на страничните панели и подот, донесоа значителен скок во перформансите на A524.
Најимпресивниот резултат беше на дождливото бразилско ГП, каде што Окон и Гасли ги зазедоа второто и третото место.
Овие резултати му помогнаа на тимот да се искачи од деветтото на шестото место во конструкторскиот поредок.
- Големите промени што ги направивме во Остин, очигледно, се исплатеа – изјави Оукс за „Motorsport“.
