Алон Охел, српскиот државјанин меѓу заложниците во Газа, е жив – прва потврда по 490 дена

Семејството на Алон Охел, 23-годишниот српски државјанин, кој го држи Хамас во Појасот Газа, соопшти дека добиле информација дека тој е жив, но дека му е потребна лекарска помош.

Од неговото семејство истакнуваат дека ова е првпат да добијат потврда дека е жив, откако поминал повеќе од 490 дена во енклавата, пренесува rts.rs.

Алон Охел е држен во тунелите во Газа заедно со неодамна ослободените израелски заложници, се вели во соопштението на неговото семејство во изјавата на израелската група „Форум за заложници и исчезнати семејства“.

Семејството вели дека ослободените заложници ги известиле дека Алон е жив, но дека е повреден и не му била укажана лекарска помош.

#BREAKING The family of hostage Alon Ohel has learned that he is alive.

Alon was at the Nova festival with friends, arriving one hour before the attack began on Oct 7. He last texted his family at 8:08 a.m. after taking cover in a roadside shelter.

Alon was abducted along… pic.twitter.com/p8oSWyeJt2

— Aviva Klompas (@AvivaKlompas) February 9, 2025

„Среќни сме и возбудени што знаеме дека тој е жив, но уништени и шокирани од тешката физичка и психичка состојба во која се наоѓа, како и од злоупотребата низ која продолжуваат да минуваат заложниците“, велат од семејството.

Меѓу заложниците што ги зеде Хамас на 7 октомври 2023 година беше и Алон Охел, млад пијанист роден во Нови Сад, а досега немаше потврда дека е жив.

Почесниот конзул на Србија во Израел, Александар Николиќ, претходно за РТС изјави дека Алон треба да биде ослободен во втората фаза од прекинот на огнот.