Со освојувањето на мастерсот во Монте Карло, Карлос Алкараз му побегна на Новак Ѓоковиќ во еден сегмент. Алкараз го има шестиот мастерс во Монте Карло во кариерата, иако прв на овој турнир, и тоа пред да наполни 22 години.
Со шест мастерс титули до 22 години, го потврди второто место на вечната листа по тој параметар, со што за два го подобри од Новак Ѓоковиќ. Српскиот тенисер до својата 22. година освои „само“ четири, исто колку и славниот Мајкл Ченг.
Шампион во оваа категорија е неприкосновениот Рафаел Надал, кој освои дури 11 мастерс титули во тој период, речиси двојно повеќе од второпласираниот Алкараз. Младиот Шпанец нема да може да го стигне својот сонародник, бидејќи на 5 мај полни 22 години, а дотогаш ќе може да крене уште еден трофеј од категоријата 1.000 – оној во Мадрид, каде што се игра финалето ден пред неговиот роденден.
Тој истакнува дека не му било лесно, бидејќи имал многу проблеми надвор од теренот, за кои не сакал јавно да зборува.
– Многу сум среќен што победив тука за прв пат. Беше тешка недела, со тешки ситуации. Горд сум на тоа како се справив со сè. Тоа беше тежок месец за мене, на теренот и надвор од него. Многу ме радува доаѓањето тука и фактот што се исплатеше трудот. Не сакам да кажам јавно, но ми беше тешко да стапнам на теренот и да најдам начин да играм – изјави Алкараз по освојувањето на трофејот во Монте Карло.
ИЗДВОЕНИ
Коцевски: Издадена е наредба за приведување на седум нови полициски службеници за пожарот во Кочани
Опозицијата бара оставка, на Тошковски критиките му се комплимент
Европскиот сон патува кон „втора лига“ – проширувањето на ЕУ заглавено меѓу ветувања и блокади!
Паричниците и мобилните в рака, ловот по пониски цени почнува!
