Шпанскиот тенисер Карлос Алкараз не успеа да освои два трофеја во низа откако беше поразен во финалето во Барселона од Данецот Холгер Руне, а по мечот за титулата пред медиумите зборуваше на повеќе теми, а воедно се осврна и на легендарниот сонародник, Рафаел Надал.
Младиот тениски ас потврди дека турнирите на земјена подлога се едни од најтешките и повторно потсети на успесите на Надал, за кого рече дека е убедливо најдобар на сите времиња.
„Рафа доминираше на оваа подлога, но како што одминуваат годините, сфаќам колку е тешко да се бидете успешен на земјените терени. Тој постојано имаше проблеми со колената, но наоѓаше начин да ги освојува титулите.
Сега можам комплетно да се посветам на мојот развој, имам одличен тренерски тим и сакам уште да напредувам. Би сакал да чекорам по неговите стапки, иако знам дека тоа скалило за успех е многу високо“, рече Алкараз.
Во моментов Алкараз е на второто место на АТП-листата, а следен настап ќе му биде оваа недела на турнирот во Мадрид, каде што исто така ќе се вбројува меѓу фаворитите за трофејот.
ИЗДВОЕНИ
Граѓаните сами да ги читаат броилата за да не плаќаат астрономски сметки за струја
Ќе се најде ли чаре за радиоактивниот облак кој со години ја труе пола Македонија!?
Како девојчето што го љубел папата Франциск во детството ја одреди судбината на Католичката црква
Каков би можел да биде новиот папа? Одговор дава вештачката интелигенција!
