Акцијата на ЈП „Водовод и канализација“ – Скопје за отплата на долговите без пресметка на камата за задоцнето плаќање е во тек и, заклучно со 31 јули, корисниците што имаат заостанат долг да аплицираат за склучување договори за отплата на долговите на најмногу 48 рати за физичките лица и на 24 рати за правните лица, во зависност од висината на долгот, без пресметка на камата за задоцнето плаќање.
Одлуката за спроведување на акцијата за отплата на заостанатите долгови без пресметка на камата не важи за органите на државната и на локалната власт, за другите државни органи основани согласно со Уставот и со закон и за институциите што вршат дејности од јавен интерес. По истекот на овој период, одлуката престанува да важи.
За секоја дополнителна информација за услугите на ЈП „Водовод и канализација“ – Скопје корисниците може да се јават на 02 3073 010 во Дежурно-информативниот центар; на 02 3240 300 во дирекцијата; kontakt@vodovod-skopje.com.mk; www.vodovod-skopje.com.mk и www.facebook.com/jpvodovod.skopje.
