Абрамович е тажен и има само една желба

Роман Абрамович отсуствува од светот на фудбалот речиси три години, а бидејќи беше санкциониран од Европската унија и  Велика Британија, познатиот руски тајкун и поранешен сопственик на Челзи има само една желба.

Абрамович го направи Челзи вистински гигант на европскиот фудбал. Иако пред речиси три години беше принуден да го продаде лондонскиот премиерлигаш, неговото име се уште се споменува на „Стемфорд Бриџ“.

Во двете децении кога го имаше последниот збор во славниот клуб од Лондон беа запишани најголемите успеси во историјата на „сините“, но набргу по нападот на Русија врз Украина во февруари 2022 година, тој беше принуден да го продаде клубот.

По заминувањето од Челзи беше поврзуван со одредени клубови и дека е можно да купи еден од нив, но такво нешто не се случи.

Во меѓувреме, Турција стана неопходен дом за Абрамович, со санкциите на Европската унија и британската влада од 2022 година кои му оневозможија безгрижни денови.

Сепак, неговиот живот и понатаму е полн со раскош и луксуз, а се шпекулира дека доби парични бонуси ќе добијат тие кои му помагаат да ги заборави проблемите.

Сепак, славниот Русин е далеку од среќен. Тоа го потврдуваат и неговите зборови кои последниве денови почнаа да кружат на социјалните мрежи.

„Се надевам дека ќе можам да го посетам Стемфорд Бриџ последен пат за да се збогувам со сите навивачи на Челзи“, наводно рекол Абрамович и додал:

„Тоа беше животна привилегија да се биде дел од Челзи и горд сум на сите наши достигнувања заедно. Челзи и неговите навивачи секогаш ќе бидат во моето срце“.

Покрај во Истанбул, Абрамович престојува и во Сочи и Тел Авив, а неодамна британските медиуми објавија дека и должи на британската влада над милијарда фунти данок.

Протечените документи откриваат дека инвестициите во вредност од околу 5 милијарди фунти биле канализирани преку компании на Британските Девствени Острови.

Но, доказите сугерираат дека тие биле управувани од Велика Британија, па требало да бидат оданочени таму. Токму поради оваа причина, тешко дека некогаш ќе ја оствари желбата да го посети својот омилен стадион уште еднаш.

Инаку, со заминувањето на Абрамович од „Стемфорд Бриџ“, компасот е целосно изгубен, без оглед на огромните инвестиции на Тод Боли. „Сините“ се далеку од врвот на Премиер лигата, а веќе некое време не се ни во Лигата на шампионите.