АВСТРИСКАТА ПОЛИЦИЈА НА НОЗЕ: Пронајден автомобилот на убиецот на градоначалникот/ВИДЕО

Пронајден е автомобилот на Роналд Дрекслер, кој е осомничен дека во понеделникот во Австрија уби две лица, меѓу кои и градоначалникот Кирхберг, пренесува Кроне.
Според нив, автомобилот бил пронајден во шумата меѓу Арнрајт и Алтенфелден.

Сето ова се наоѓа недалеку од местото на злосторството, а на терен е и специјалната полициска единица Кобра која го пребарува теренот.

Автомобилот во петокот наутро го пронашол случаен минувач во шумата и веднаш ја известил полицијата.

Медиумите јавуваат дека меѓу жителите на тоа место кружат пораки дека не треба да ги напуштаат куќите, а во потрагата повторно е вклучен хеликоптер и други оклопни возила.

Да потсетиме, потрагата по Роланд Дрекслер сега ја држи цела Австрија во неизвесност: во средата, по дојава, во Бургенланд се трага по осомничениот двоен убиец. Неговиот автомобил наводно бил виден во областа Оберпулендорф, во општина Никиќ – место кое се наоѓа веднаш до границата со Унгарија, каде што биле извршени контроли.

Полицијата го пребарала теренот со дронови и кучиња трагачи. Сепак, 56-годишникот не бил пронајден. Исто така, околу пладне беше вклучен аларм во Државната болница во Велс, но и ова водство се покажа дека е лажно.

Во двата случаи, полицијата пристапила тешко вооружена – пронаоѓањето на Дрекслер за полицијата би значело животна опасност.