Двајца украински војници се спасени во специјална операција откако поминаа повеќе од една и пол година криејќи се во регионите на Украина окупирани од Русија.
Украинската морнарица, вооружените сили и Министерството за одбрана ги вратија падобранците дома откако добија информации дека живеат под руска окупација од почетокот на војната.
Тие биле тешко ранети додека се бореле против московските трупи и не можеле да се „извлечат“, се вели во објавата на Фејсбук.
„Сето тоа време тие се криеја нелегално и успешно, благодарение на локалното население“, се додава во објавата.
Одлучено е да се спроведе специјална операција за спасување и евакуација на припадниците на војската, чија подготовка и имплементација и е доверена на специјалната единица Navy Angels.
Благодарение на заеднички напори, пред некој ден двајца војници кои беа на окупираната територија повеќе од година и пол беа однесени на територијата под контрола на Украина“, се вели во соопштението на морнарицата на Украина.
