Српските портали објавија видео на кое се гледа мајмун на покривот на куќа во, како што пишуваат, белградската населба Карабурма. Видеото за прв пат беше објавено вчера на страната на Инстаграм moj_beo_grad.
Не е јасно како мајмунот завршил на слобода, ниту пак, во Белград. Тоа се мајмуни од родот „макаки“ (Macaque). Постојат дваесет и три видови „макаки“ кои живеат низ Азија, Северна Африка и Гибралтар.
View this post on Instagram
На видеото се слуша гласот на една личност која вели дека на мајмунот му дала чоколадо и јаболка, кои животното ги земало и потоа повторно побегнало.
Засега не е познато што се случило со животното откако било снимено.