Легендарниот бразилски фудбалер Роналдо е во големи проблеми, пишува шпанскиот весник „Maрка“ наведувајќи ја болката што ја доживува со два клуба каде што е мнозински сопственик. Во Ваљадолид навивачите протестираат против него, а Крузеиро е во серија од осум натпревари без победа. „Ил Феномено“ стана мнозински сопственик на Ваљадолид во септември 2018 година, откако купи 51 отсто од акциите, а во декември 2021 година, тој ја презеде контролата врз Крузеиро, клубот во кој ја започна својата кариера и во кој инвестираше 70 мил. долари.
Крузеиро е во најлоша серија откако прославениот Бразилец го презеде и е на пет бода над зоната за испаѓање. Сосема очекувано лошите резултати ги принудија навивачите да критикуваат и протестираат.
Слично е и во шпанскиот клуб. Иако го спаси од банкрот, клубот е на дното во шпанската втора лига, а Роналдо е на удар на навивачите. Со оглед на неговата моментална форма и ситуација, „Марка“ заклучува дека работите би можеле да добијат уште полош тек за Бразилецот.