Видеата на ТикТок кои го промовираат предизвикот Боракс, косумирање на детергент за перење во прав, станаа вирални меѓу корисниците кои лажно тврдат дека супстанцијата е корисна за детоксикација на телото, што здравствените експерти го негираат, пишуваат светските медиуми, пренесува Глобалњуз.ца
Бораксот е познат како натриум борат, натриум тетраборат или динатриум тетраборат и е природен минерал кој комбинира бор, натриум и кислород.
Со години нашироко се користи како средство за чистење домаќинство и во детергенти за перење, а во мали количини може да се најде и во паста за заби, козметика и пестициди.
Сепак, супстанцијата неодамна се појави на ТикТок, каде што корисниците почнаа да ги рекламираат наводните придобивки од внесувањето на минералот во вирусни видеа.
Додавањето прстофат боракс во чаша вода, според некои тиктокери, „помага при неколку здравствени состојби“, вклучително и еректилна дисфункција и камења во бубрезите.
Други велат дека капењето со нотка боракс додадена во бањата ќе направи кожата да изгледа подобро, но вистината е дека нема апсолутно никакви докази дека земањето боракс може да има некоја од овие здравствени придобивки – сосема спротивното.
Според американскиот Национален институт за безбедност и здравје при работа, вдишувањето на боракс може да предизвика иритација на очите, кожата и горниот респираторен тракт, како и дерматитис, крварење од носот, кашлање и отежнато дишење.
Платформата за здравствени вести и информации WebMD пишува дека боракс може да предизвика гадење, повраќање и дијареа доколку се голтне, а големи количини може да доведат до шок и откажување на бубрезите.
Во Соединетите Американски Држави, бораксот е забранет во прехранбените производи, а медицинските експерти на ТикТок и во медиумите зборуваат против овој тренд, предупредувајќи ги корисниците на опасностите од внесување на боракс.
@dr_idz DUMBEST HEALTH TREND EVER!! Borax 💀❌🤚🏼 @Chem Thug compiled the montage of clips at the beginning of the video. 👍🏼 #weightloss #fatloss #nutrition #fitness ♬ Spooky, quiet, scary atmosphere piano songs – Skittlegirl Sound
„Само затоа што нешто е природно не значи дека е добро за вас. А арсенот е исто така природен“, рече лекар кој се вика Д-р Еџ на ТикТок.
Тврдењето дека бораксот не е токсичен во мали дози, како што тврдат некои на оваа социјална мрежа, го демантираат и „пробивачите на митови“, кои утврдиле дека супстанцијата е токсична за репродуктивното здравје, што го потврди и Европската агенција за хемикалии.
Агенцијата посочува дека бораксот „може да влијае и на плодноста и на плодот“ и дека се смета за опасен според усогласената класификација и означување на ЕУ.
