Поморските компании во трите најголеми поморски земји на Европската унија, Грција, Кипар и Малта, ја удвоија количината на руска нафта што ја транспортираа од почетокот на инвазијата на Украина на 24 февруари, објави Индипендент.
Поморските компании и бродовите поврзани со трите земји во мај транспортирале во просек по 58 милиони барели руска нафта, објавија британските медиуми, повикувајќи се на анализа на невладина организација Глобал Витнес. Тоа е речиси двојно повеќе од повеќе од 31 милион барели што тие заедно ги испорачаа во февруари. Трите земји имаат најголема бродска флота во ЕУ.
– Бродовите поврзани со Грција, Кипар и Малта ги исмеваат напорите на ЕУ да ја санкционира воената машинерија на Путин, а притоа го одржуваат приливот на пари во Русија, изјави за Индипендент Луис Годард, виш советник за истражување на податоци во Глобал Витнес.
Според „Market Insider“, нема докази дека компаниите и танкерите што превезуваат руска нафта ги прекршуваат санкциите.
