Врховната Рада денеска гласаше за воведување 10-годишни санкции против поглаварот на Руската православна црква, патријархот Кирил и другите претставници на РПЦ.
„Радата гласаше за воведување санкции на патријархот Кирил“, напиша Алексеј Гончаренко на Телеграм, не наведувајќи за што точно тие ќе се однесуваат. Одлуката на парламентот сега треба да се разгледува во Советот за национална безбедност и одбрана на Украина.
До Врховната Рада во април беше поднесен предлог нацртот за воведување санкции против претставниците на Руската православна црква.
И портпаролката на Белата куќа, Џен Псаки, не ја исклучи можноста САД да воведат санкции против поглаварот на Руската православна црква, патријархот Кирил.
