Директорот на регионалната канцеларија на Светската здравствена организација (СЗО) за Европа Ханс Клуге денеска изјави дека телото се подготвува за можни „хемиски напади“ во Украина.
„Со оглед на неизвесноста на моменталната ситуација, нема гаранција дека војната нема да се влоши“, рече Клуге во изјавата испратена до новинарите од Лавов во Украина, пренесува Ројтерс.
Тој рече дека СЗО ги разгледува сите можни сценарија и смислува одговор за различни ситуации кои би можеле да го погодат народот на Украина.
„Од континуиран третман на масовни жртви, до хемиски напади“, рече Клуге, без да даде дополнителни детали.
