Министерството за животна средина и просторно планирање информира дека во тек е процедура за објавување тендер за набавка на делови со кои ќе се поправи инструментот за симултано мерење на честичките ПМ 10 и ПМ 2.5 на мобилната мерна станица поставена во Ѓорче Петров.
Поради технички проблем мерниот инструмент не е во функција и е исклучен од 23 декември 2019 година.
– Со набавка на резервните делови, инструментот ќе се сервисира и калибрира и потоа ќе биде вклучен во системот, а податоците од мерењата од овој инструмент ќе бидат јавно достапни на веб-страницата за квалитет на воздухот http://air.moepp.gov.mk, соопштиja од Министерството за животна средина и просторно планирање.
Од таму додаваат дека мобилната мерна станица во Ѓорче Петров сега ги мери загадувачките супстанции SO2, NO-NOx-NO2, CO и О3.
