Веќе неколку дена е актуелна приказната за омилената песна на еден од најдобрите фудбалери во историјата, Швеѓанецот Златан Ибрахимовиќ.
Порталот „Слободна Босна“ ја откри позадината на оваа приказна за „Белграѓанките“ во песната на Халид Бешлиќ, кои Ибрахимовиќ евидентно премногу ги обожава. Инаку, Швеѓанецот има корени од Бих.
Имено, песната ја напишал легендарниот Назиф Гљива, еден од најзаслужните луѓе кога во прашање е богатата кариера на Бешлиќ. Приказната за мистериозната „Белграѓанка“ започнала на една од јадранските плажи, пред триесетина години, кога синот на Назиф, Емир – Мирче Гљива, како дете ја запознал убавата Белграѓанка и се заљубил на прв поглед. Мирче бил толку вљубен во згодната Драгана, па татко му Назиф напишал песна која ја интрепретирал Бешлиќ.
Кога би видел Ибрахимовиќ како изгледа Драгана од омилената песна, кој знае што би се случило.
