Познатиот српски кошаркар Марко Јариќ повторно беше во центарот на јавноста откако неговиот татко откри некои засега непознати работи.
Марко Јариќ имаше долга, успешна, кошаркарска кариера. Доминираше во Европа, играше во НБА, ја освои Евролигата. Стартот го започна во белградски Раднички, но „прилично“ доцна во однос на неговите врсници.
Сега на неговата кариера ретроспективно гледаше Среќко Јариќ, неговиот татко, кој беше гостин во еден од српските поткасти.
- Влијаев за да не се мешам, не го турнав во кошарката. Тоа се случи спонтано и кога тој рече дека е заинтересиран, тогаш бев таму да го водам. Не го искористив мојот авторитет кај тренерот дека тој мора да игра. Неговиот недостаток е што почна да игра доцна, дури на крајот од седмо одделение. Не можеше да стои на нозе и да шутира од линијата за слободни фрлања. Тој тогаш не знаеше да дрибла, практично не знаеше ништо. Меѓутоа, кога не е ничија топка, тој е таму. Се појавува и гледам дека не е нормално. Неговите другари погодуваа тројки, тој не можеше ниту удар да упати. Мојот добар пријател, покојниот Аца Петровиќ, имаше чувство да ги препознае младите играчи. Марко секогаш играше добра одбрана на својот играч. Има играч на страна, не го чува, туку се повлекува на средина. Таму видов знаци дека ја разбира играта, го фалеше Среќко Јариќ, својот син.
Но, потоа истакна дека неговиот син направил една грешка во кариерата.
- Играше во врвни клубови со врвни тренери, а според мене направи само една грешка, но тоа беше по негова желба. Неговата прва работа во НБА беше Лос Анџелес Клиперс, тие го драфтуваа. Лос Анџелес требаше да дојде на крајот од неговата кариера. Ако го чувствуваш тој град кога си млад и на почетокот на кариерата, главата не може да ти стои на рамена. Треба да бидете многу силен карактер кога ќе дојдете во тој град и да не гледате наназад на она што ЛА има да го понуди. На Запад секогаш има спортисти, актери, јавни личности, сите тие имаат некои привилегии во споредба со другите луѓе. Да беше прво Денвер или Минесота, тој ќе имаше подобра НБА кариера, говореше Среќко.
Токму во Лос Анџелес ја запозна и најубавата жена во светот, бразилската манекенка Адријана Лима. Тие се венчаа во 2010 година и добија две ќерки. Сепак, веќе во 2014 година се разведоа.
Според српските таблоиди, Марко ја изневерил Адријана Лима, иако никогаш не нашле вистински докази или информации.
