Луиџи Манџоне, осомничениот за убиството на Брајан Томпсон, извршен директор на „UnitedHealthcare“, на прометниот тротоар во центарот на Менхетен, беше изведен пред судот во Њујорк каде што се изјасни за невин по обвиненијата за државен тероризам и убиство.
Денешното рочиште за Манџоне, познат и како „насмеаниот убиец“, беше првата прилика формално да одговори на обвиненијата покренати од Окружното обвинителство на Менхетен.
Голем број граѓани се собраа пред судот каде Луиџи беше доведен со полициска придружба. Повеќето од нив носеа транспаренти за поддршка на Луиџи, а посебно внимание привлекоа оние на кои пишуваше: НЕГИРАЈ, ОДБРАНИ, ОСТАНИ – фразaта која полицијата ја пронајде испишана на чаурите од куршуми пред хотелот Хилтон по убиството на директорот.
Зборовите ја одразуваат тактиката што осигурувачите ја користат за да го избегнат плаќањето.
И покрај обвиненијата за тероризам, некои Американци го поздравија Манџоне како национален херој.
Луиџи Манџоне (26) се соочува со 11 точки од обвинението во Њујорк, вклучувајќи едно убиство од прв степен и две за убиство од втор степен, заедно со други обвиненија за поседување оружје и фалсификување.
Минатата недела, Манџоне формално се откажа од своето противење за екстрадиција и беше пренесен од Пенсилванија во Њујорк, каде што пристигна опкружен со десетици тешко вооружени службеници за спроведување на законот и градоначалникот.
