Црногорската влада денеска одлучи да го прогласи 23 декември за ден на жалост поради смртта на детето во нападот врз учениците и наставниците во Хрватска, објави „Вијести“.
„Во согласност со одлуката, на јавни места нема да се одржуваат програми од јавен, културен и забавен карактер, а во угостителските објекти нема да се емитува музика. Електронските и другите медиуми се должни да ги приспособат своите програмски содржини за одбележување на денот на жалост“, соопшти владата во Подгорица.
Премиерот Милојко Спајиќ ја информираше јавноста за одлуката.
