Друштвото на писателите на Македонија во изминатиов период го прошири своето членство со пет современи автор(к)и, кои на различни начини се одликуваат со своето творештво и со своите активности во областа на книжевноста: Митко Гогов, Искра Донева, Симона Јованоска, Хана Корнети и Милчо Мисоски.
Митко Гогов (1983, Скопје) пишува поезија, кратки раскази, есеистика и публицистика. Тој е организатор на фестивалот „100.000 поети за промена“. Ги има објавено збирките песни „Ледена вода“(2014), „Скриено писмо“(2019), „Линијар [бројки]“(2021) и „Бог на ба(к)терии“(2024).
Искра Донева (1983, Скопје) е авторка е на трудот „Конфликтот на интерпретациите и разбирањето на наративните текстови“ (2018) и хаику поезијата: „Татко“ (2013), „Скакулче игра плочка“ (2013), „Лазарополски хаикуа“ (2013), „Калеидоскоп“ (2015).
Симона Јованоска (1985, Гостивар), има објавено една збирка раскази, една книга за деца („Градот Вабу и потрагата на Нави“, 2022), и два романи: „Денот на црвот“ (2021) и „Леска Брезоска“ (2024). Добитничка е на наградата „Роман на годината“ за „Денот на црвот“.
Хана Корнети (1992, Скопје) ги има објавено збирката раскази „Млечни заби“ (2021) и романот за деца „Илина и шумските тролови“ (2023). Добитничка е на прва награда за театарско сценарио во 2019 г.
Милчо Мисоски (1972, Струга) бил добитник на наградата „Млада Струга“ на СВП во 1992 г. и на други награди и признанија во земјава и во странство. Автор е на седум збирки поезија, од кои актуелна е „Зборови од хартија“ (2024).
