Безбедносно-информативната агенција (БИА) соопшти дека работи исклучиво во согласност со законите на Република Србија и посочи дека се бесмислени наводите во извештајот на Амнести интернешнал дека владата во Србија користи софтвер за нелегално шпионирање на активисти и новинари, пренесоа српските медиуми.
Во соопштението се нагласува дека БИА може само да констатира дека тривијалниот сензационализам на содржината на тој извештај укажува на целта на Амнести интернешенел, што, како што се наведува, се рефлектира во работата за интересите на одредени агенции и групи за притисок.
„Безбедносно-информативната агенција работи исклучиво во согласност со законите на Република Србија и затоа не сме ни во можност да коментираме бесмислени изјави од нивниот текст, бидејќи вообичаено не коментираме слична содржина“, се вели во соопштението, објавено на веб-страницата на БИА.
Претходно денеска Амнести интернешнал објави извештај во кој се тврди дека властите во Србија, наводно преку БИА и полицијата, незаконски шпионираат новинари и активисти кои организираат протести.
Амнести интернешенел: Србија користи софтвер за шпионирање на активисти и новинари
