Поранешниот израелски министер за одбрана Моше Јалон изјави дека израелската армија врши етничко чистење во Појасот Газа, а неговата изјава предизвика бес кај локалните политичари.
Патот по кој не водат е освојување, анексија и етничко чистење“, рече Јалон во интервју за приватниот канал DemokratTV.
На новинарско прашање дали мисли дека Израел оди кон етничко чистење, Јалон одговори дека израелската армија ја „чисти земјата од Арапите“.
Веднаш реагираа израелските власти.
Министерот за национална безбедност Итамар Бен Гвир го опиша како срамота „што Израел има таква личност како шеф на армијата и министер за одбрана“.
Моше Јалон (74) беше на чело на израелската армија меѓу 2002 и 2005 година, непосредно пред едностраното повлекување на Израел од Појасот Газа.
Приклучувајќи се на партијата Ликуд на премиерот Бенјамин Нетанјаху, Јалон служеше како министер за одбрана и вицепремиер пред да поднесе оставка во 2016 година по расправијата со Нетанјаху.
Сметан за јастреб за време на неговата политичка кариера во Ликуд, Јалон се здружи со актуелниот опозициски лидер Јаир Лапид во 2019 година пред да се повлече од политичкиот живот во 2021 година.
Јалон неодамна ги поддржа војниците кои се закануваа дека нема да се пријават во армијата како резервисти.
