Точно дека има многу фудбалски ривалства, но кога е во прашање Лигата на шампиони, тогаш дефинитивно едно од најголемите е тоа помеѓу англискиот премиерлигаш Ливерпул и шпанскиот гигант Реал (М). Фудбалерите на тие два клуба два пати играа во финалето и два пати славеше „кралскиот клуб“.
Нема дилема дека денеска фудбалскиот храм „Енфилд“ ќе биде претесен за да ги нагости стие тие кои сакаат во живо да ја следат новата пресметка помеѓу големите ривали кои во добра атмосфера ќе го дочекаат првиот судиски свиреж.
Ливерпул гази се пред себе во Премиер лигата и веќе има осум бода повеќе од второпласираниот Манчестер Сити, додека Реал (М) ја намали предноста на Барселона во Ла Лига и сега со еден натпревар помалку има минус од 4 бода.
-Не е тајна дека имаме сериозен проблем со повредените фудбалери. Менди не играше против Осасуна но само поради тактичка причина. Вини е повреден и нема да игра против Ливерпул. Исто така немам конкретна информација околу Лукас Васкез и Чуамени. Мислам дека ќе се рехабилитираат за дуелот во Англија, но конечната одлука ќе биде донесена пред стартот на натпреварот, изјави тренерот на Реал (М), Карло Анчелоти.
Кога се во прашање преостанатите осум натпревари за македонската јавност најголемо внимание ќе привлечи дуелот на „Максимир“ помеѓу Динамо од Загреб и Борусија од Дортминд. За очекување во првиот тим на „модрите“ да бидат поранешните репрезентативци на Македонија, Стефан Ристовски и Аријан Адеми.
После двата погодока во Ла Лига, бомбардерот на Џирона, Бојан Миовски, ќе се обиде да ја затресе и мрешата на Штурм од Грац.
ДЕНЕСКА НА ПРОГРАМАТА: Црвена З. – Штутгарт, Стурм – Џирона, Астон Вила – Јувентус, Болоња – Лил, Селтик – Клуб Бриж, Динамо З. – Борусија Д., Ливерпул – Реал (М), Монако – Бенфика, ПСВ – Шахтјор Д.
