Раде Трајковски Штекли на својот Инстаграм профил објави оглас за вработување на лично обезбедување.
Според тоа што го напиша, Штекли бара четворица обезбедувачи, кои мора да имаат воено или полициско искуство, да поседуваат дозвола за оружје. За работата ќе им плати три илјади евра и дополнително трошоци за јадење и пат.
Не се пресудни етничката припадност ниту пак полот.
„Почитувани, барам професионално обезбедување за мене. Потребни се четворица, морално воено или полициско искуство, да поседува дозвола за оружје, плата 3.000 евра (и покриено трошоци за јадење и пат). може од секоја етничка припадност и пол“, се вели во неговата објава.
Штекли неодамна повторно беше мета на напад, кога во дворот на неговиот дом во Ќерамидница беше фрлена бомба. Трајковски и при тој напад спаси жива глава и помина со полесни повреди. Претходно два пати во него беше пукано во Трговскиот центар Ист Гејт.
