Според податоците на Државниот завод за статистика, во третото тримесечје од 2024 година, вкупно 9,43 милиони патници се превезени во патничкиот патен превоз, што за 6,9 % помалку во однос на истиот период од претходната година. Според видот на превозот, бројот на превезените патници е намален во градскиот превоз за 7,4 % и изнесувал 4,7 милион, а во приградскиот превоз за 10,4 % или 3,7 милиони, додека во меѓуградскиот превоз е зголемен за 13,2 %, а во меѓународниот превоз за 2,7 %.
Во третото тримесечје од 2024 година, во однос на истиот период од 2023 година, вкупниот број патнички километри во патниот патнички превоз е зголемен за 8.9%. Според видот на превозот, бројот на патничките километри во градскиот превоз е зголемен за 17,3 %, во приградскиот превоз е намален за 1,3 %, во меѓуградскиот превоз е зголемен за 7,4 %, а во меѓународниот превоз зголемувањето изнесува 10,8 %.
Во меѓуградскиот превоз во третото тримесечие биле превезени 848 илјади патници од кои 453 илјади во редовниот превоз, 354 илјади се превезени ученици и работници, а само 16 илјади биле превезени патници во организирани екскурзии или шопинг тури.
