Украинската војска ја обвини Русија за лансирање на интерконтинентална балистичка ракета ICBM за време на нападот во четвртокот врз градот Днипро.
-Интерконтинентална балистичка ракета е лансирана од Астраханската област на Руската Федерација – се наведува во соопштението на украинското воздухопловство.
Во соопштението не е прецизирано за каков тип на интерконтинентална балистичка ракета се работи, а CNN не може да го потврди тврдењето.
На социјалните мрежи се појавија видеа на кои наводно се гледа ударот на руската ракета ICMB. Автентичноста на снимката не е потврдена.
BREAKING:
First video of a Russian intercontinental ballistic missile hitting Ukraine.
The non-nuclear giant missile struck the city of Dnipro. pic.twitter.com/f2TOHP0KHN
— Visegrád 24 (@visegrad24) November 21, 2024
Украинската војска соопшти и дека балистичката ракета X-47M2 Dagger била лансирана заедно со седум крстосувачки ракети во нападот на Днипро.
„Нападот вклучуваше ICBM лансиран од рускиот регион Астрахан, аеробалистичка ракета Kh-47M2 истрелана од авион МиГ-31К во регионот Тамбов и седум крстосувачки ракети Kh-101 лансирани од бомбардери Ту-95МС во близина на регионот Волгоград“, се вели во соопштението на „Киев пост“.
Се наведува дека се соборени сите крстосувачки ракети.
