По студеното утро во текот на денот ќе има сончево време со мала до умерена облачност, се вели во прогнозата на Управата за хидрометеоролошки работи (УХМР). Во текот на денот ќе дува слаб до умерен ветер од северен правец. Температурата наутро ќе биде од минус 8 до 2 Целзиусови степени, а во текот на денот од 12 до 21 степен.
Во Скопје утрото ќе биде студено и со појава на слаба магла во делови од котлината. Преку денот во главниот град ќе има сончево време со мала локална облачност и со слаб до умерен северен ветер. Температурата ќе се искачи до 19 степени.
За утре синоптичарите најавуваат променливо облачно и постудено време, а во текот на денот се очекува да има и сончеви периоди. Ќе дува слаб до умерен ветер од северен правец.
Слично време се прогнозира за утре и во Скопје – променливо облачно со сончеви периоди и со слаб до умерен ветер од северен правец. Температурата утре ќе се движи во интервал од 8 до 15 Целзиусови степени.
