Американскиот кошаркар Џонатан Мотли најпосле е пронајден по големата потрага што ја спроведоа израелските медиуми, пренесува израелски „Спорт 5“.
Како што тврди овој израелски портал, адвокатот на американскиот центар го известил Хапоел дека Мотли се вратил дома, во Америка!
Како што истакнува „Спорт 5“, од тимот на Хапоел биле оптимисти дека Мотли ќе пристигне во Белград, на натпреварот од Еврокупот против Бахчешехир, но не се случило тоа.
Му го подготвиле дресот, па дури и му резервираа хотелска соба, но тој очигледно имал други планови, па избегал во САД. Овој случај привлече големо внимание, бидејќи се шпекулира дека Мотли би можел да се пресели во Црвена звезда, а најголем интерес поттикнаа пишувањата на реномирани спортски медиуми како „Еурохупс“ и изјавите на сопственикот на Хапоел, кој смета дека клубот од Белград веќе испратил понуда.
