Насилна група учесници на протестот, кои се маскирани и со палки, како што наведува Танјуг, продолжуваат да го гаѓаат Градското собрание и да ги кршат стаклата, да фрлаат факели и петарди во зградата, обидувајќи се насилно да влезат и да ја провоцираат полицијата.
Тие уринирале на објектот, а претходно истурале фекалии од цистерна што ја донеле и фрлале црвена боја врз неа.
Полицајците кои го обезбедуваат Градското собрание се воздржани и само повремено возвраќаат со солзавци.
Градските советници Миран Погачар и Миша Бачулов побараа да бидат пуштени во Градското собрание за да ги достават барањата, како што наведоа, за оставки на премиерот Милош Вучевиќ и градоначалникот на Нови Сад, Милан Ѓуриќ.
Доколку овие барања не се исполнат во следните 48 часа, се закануваат дека ќе следи протест во Белград.
Во Нови Сад, во тек е протестот организиран од опозицијата во врска со смртта на 14 лица во уривањето на настрешницата на железничката станица во тој град, со барање да бидат казнети сите виновници за несреќата и премиерот. Министерот на Србија и градоначалникот на Нови Сад веќе поднесоа оставки.
Novi Sad. Vandalizovana Gradska kuća. pic.twitter.com/lwIZh5bLEr
— Radio 021 (@Radio021) November 5, 2024
