Градовите во Европа, особено во зима, нудат шарм што тешко може да се најде на кое било друго место на планетата. Додека некои патници бегаат на сончевите плажи на тропските дестинации, сè повеќе има оние кои сонуваат за снежните улици и празничната атмосфера на европските божиќни саеми.
Повеќето од познатите европски метрополи, по празничниот метеж, стануваат потивки и подостапни во зима, нудејќи им на посетителите уникатно искуство – од уживање во топло чоколадо во топло кафуле покрај реката до авантури на отворено. Ако размислувате за зимски одмор, овие европски градови и населби можеби ќе ве натераат да го резервирате вашето патување токму сега.
Загребскиот адвент е најдобар во Европа
Condé Nast Traveler, познат магазин за патувања, неодамна објави список на „29 европски градови кои се пошармантни во зима“, а меѓу нив се најдоа и два соседни града – Загреб и Дубровник.
Хрватската престолнина воодушеви со својата богата историја, волшебните улици и незаборавната адвентска атмосфера, заслужувајќи посебно признание како дестинација која блеска особено во зима.
„Загреб ги има сите карактеристики на централноевропска престолнина – камени улици, барокна архитектура и шарм на стариот град, но со дополнителна доза на магија што ја носи зимската сезона“, посочува Condé Nast Traveler. За време на Адвент, градот се претвора во зимски рај со бројни божиќни пазари, лизгалишта и многу осветлени украси.
Заедно со Загреб, на списокот е и Дубровник, за кој пишуваат: „Посетата на Дубровник се чувствува како да сте зачекориле назад во времето: ренесансната и барокната архитектура се надоврзува на мал полуостров и му дава на градот чуден, средновековен изглед – на таков степен до кој служеше како локација за снимање на Кралското пристаниште во „Игра на тронови“. Но, има и многу празнично расположение, како што е дубровничкиот зимски фестивал и традицијата на коледарење што одекнува низ градот околу Божиќ“.
Овиј зимски спискок вклучува и градови како Берген во Норвешка, Цермат во Швајцарија, Стразбур во Франција, Луксембург и Берлин, кои исто така му пркосат на зимскиот студ и ги воодушевуваат посетителите. На списокот се и Виена, Венеција, Прага, Амстердам, Будимпешта, Париз, Салцбург, Лондон и Љубљана.
