Британскиот боксер Тајсон Фјури ги знае и најсветлите и најмрачните точки во својот живот досега. „Кралот на циганите“ е повеќекратен светски шампион во бокс, но доживеал и „пекол“ бидејќи изгубил две деца.
Фјури е роден во 1988 година во близина на Манчестер, три месеци предвреме и тежел само 450 грама. Докторите буквално му рекле на татко му: „Нема многу шанси да преживее“. Неговите родители претходно на тој начин зaгубиле две ќерки. Кога го преживеал предвременото раѓање, татко му го нарекол Тајсон по славниот боксер бидејќи Фјури бил борец.
Неговата мајка Амбер имала дури 14 бремености, но само четири деца преживеале. Ќерката Рамона се роди во декември 1997 година, но починала неколку дена подоцна. Тој настан имал силно влијание врз Тајсон. Решил да се занимава со бокс кога имал помалку од десет години. Ги претставуваше Англија и Ирска во аматерски бокс и освои медали во јуниорски категории. Така стигна до Сомбор, каде во 2007 година стана вицешампион во супертешка категорија за јуниори.
Рано влезе во професионалните редови и дебитираше во 2008 година, а веќе во 2015 година стигна до мечот против Владимир Кличко за титулата светски првак во шест категории. Следната година го шокираше светот кога објави дека со месеци минува низ депресија: „Не сакам повеќе да живеам, ова што го имам е неизлечиво. Сите пари на светот, славата, не значат ништо. „Јас сум депресивна личност, се надевам дека ќе умрам, не сакам повеќе да живеам, се надевам дека некој ќе ме убие пред да се убијам сам“, рече тој.
Во годините што следеа неколку пати ја бранеше титулата светски првак. Украинците ја одбележаа неговата кариера. Еден од браќата Кличко го победи за шампионски појаси, а од другиот загуби годинава. Во мај, Фјури го загуби својот меч од Александар Усик со тесна одлука на судиите. Нивниот реванш беше одложен за декември годинава.
Тајсон ја запознал сопругата Парис кога таа имала 15 години, а тој 17. Тие се венчаа во 2008 година и добија седум деца. Ќе имааа повеќе, но за жал изгубија две бебиња. Првиот во 2014 година, а вториот во 2018 година.
