Хотелот Four Seasons во Атланта е затворен откако властите и полицијата добија информации дека вооружен маж се забарикадирал во хотелот.
Полицијата добила дојава дека маж на горните катови од хотелот се заканувал на лице со пиштол. Според властите, осомничениот, чиј идентитет сѐ уште не е објавен, бил виден на балконот.
Властите веднаш издадоа наредба за евакуација, барајќи од присутните во хотелот како мерка на претпазливост да избегнуваат прозорци и соби кои гледаат на теренот на хотелот.Репортерите на теренот известуваат дека слушнале неколку истрели.
Поради овој инцидент, сообраќајот околу хотелот беше привремено во прекин за безбедно одвивање на полициската акција. Фокс5 објави дека нешто по 15:30 часот по локално време, на сите медиуми на местото на настанот им било наредено да се откажат.
Репортерот Коди Алкорн од 11Alive сподели снимка на која се гледа присуство на снајперски тимови околу хотелот, откако тој исто така пријавил истрели. Atlanta News First објави дека полицајците одговориле на повикот за лице со ментална попреченост.
Во официјалното соопштение се вели:
– Службениците истражуваат вооружено лице на ул. 75 14 НЕ. Ве молиме засолнете се, или избегнувајте ја областа.
