Со усвојување на одредени здрави навики, можно е значително да се продолжи животот, покажува најновото истражување. Само осум едноставни промени во животниот стил можат да ви донесат дополнителни 24 години.
Дали сакате да го продолжите животот до 24 години? Според резултатите од најновата студија, доволно е да усвоите осум едноставни здрави навики, а вашиот живот би можел да биде значително подолг.
Без разлика дали ќе одлучите да го промените вашиот животен стил во четириесеттите, педесеттите или шеесеттите, придобивките се очигледни – од дополнителни 18 до дури 24 години живот.
Две навики можат да ви дадат дополнителни седум години, додека усвојувањето три навики може да ви го продолжи животот за 8,6 години. И колку повеќе од овие здрави навики применувате, толку се поголеми ефектите, некои успеале да го продолжат својот живот и до четвртина век, пренесува „CNN“.
Како што е објаснето во студијата, овие промени не се надвор од дофатот на просечниот човек, а придобивките се големи дури и ако постепено ги внесувате во вашиот живот.
Кои се клучните животни навики?
Редовно вежбање – Физичката активност го намалува ризикот од смрт за 46 отсто.
Избегнување на зависност од опијати – Одржувањето живот без зависност го намалува ризикот за 38 проценти.
Непушење – Никогаш не користење тутун го намалува ризикот од смрт за 29 проценти.
Управување со стресот – Намалувањето на стресот може да го продолжи животот и да го намали ризикот за 22 проценти.
Здрава исхрана – Исхраната базирана на растителна храна ја зголемува шансата за долговечност за 21 процент
Избегнување на прекумерно консумирање алкохол – Избегнувањето на алкохол, особено прекумерниот алкохол, го намалува ризикот од смрт за 19 проценти.
Квалитетен сон – Спиењето помеѓу 7 и 9 часа дневно го намалува ризикот од смрт за 18 проценти.
Позитивни социјални односи – Одржувањето квалитетни односи го намалува ризикот од смрт за 5 проценти.
Научниците нагласија дека дури и оние со хронични болести, како што се дијабетес тип 2, висок холестерол или кардиоваскуларни проблеми, можат да имаат корист од овие промени. Резултатите покажаа дека без разлика на здравствената состојба, секој чекор кон поздрав начин на живот носи позитивен исход.
Ова истражување, претставено на годишната конференција на Американското здружение за исхрана, дополнително потврдува дека промените во животниот стил не се резервирани само за младите, туку можат да се воведат во секој период од животот. „Колку побрзо, толку подобро, но секој чекор е корисен“, велат истражувачите.
Ако барате едноставен начин да го продолжите животот, започнете со усвојување на овие осум клучни навики – не е тешко, а резултатите се бесценети.
