Во вирално видео, ветеринарот Бен попознат како @ben.the.vet објасни зошто некои раси не се добри за сопствениците кои за првпат се одлучуваат да вдомат домашно милениче.
Тој вели дека тоа го научил за време на неговото деветгодишно искуство во работењето со домашни миленици и нивните сопственици.
На прво место е Граничниот коли. Со оглед на тоа што е куче со посебни работни способности, брзо е, вешто, агилно и има способност да се прилагодува на сите терени и временски услови. Бен вели дека на ваквото куче му е потребна исклучително активна средина и дека може да му „здосади“ во стан или куќа.
Досадата може да доведе до деструктивно однесување, вклучително и прекумерно лаење и знаци на агресија, вели овој ветеринар. „За луѓето кои не се навикнати на кучиња, оваа раса може да претставува многу предизвици“.
Биглот е исто така на листата. Ветеринарот вели дека се многу тешки за тренирање бидејќи нивното „ловечко потекло значи дека се прилично тврдоглави“. Покрај тоа, тој тврди дека имаат тенденција да бегаат, и дека имаат многу лоша меморија.
Далматинец е меѓу непожелните раси за неискусните сопственици. Оваа раса, вели тој, исто така не е лесна за тренирање. „Иако се многу слатки за нивните сопственици, тие се полни со работа.
Конечно, меѓу расите несоодветни за неискусните, е и хаската. „Да се добие кое било куче е голема посветеност и ќе ви го промени животот, но добивањето хаски е сосема ново ниво“, објасни тој.
Освен што имаат потреба од многу вежбање, хаските бараат редовно дотерување. Бидејќи биле одгледувани да влечат санки на долги растојанија, брзото секојдневно пешачење не е доволно за да ја согорат нивната енергија.
Поради ова, тие можат да се здебелат и да им здостадат сите активности. Овој ветеринар мисли дека тоа е многу работа за неискусните.
Најдобрите раси за неискусните:
Експертот за дресирање на кучиња Вил Атертон ги предлага најдобрите раси за луѓето кои сакаат домашно милениче, но немаат искуство, пишува The Sun.
Лабрадори: Оваа жива раса е лесна за тренирање, лојална на своите сопственици и не бара многу кога станува збор за вежбањето.
Златни ретривери: Образложението е исто како и за лабрадорите.
Кавалиер Кинг Чарлс Спаниелс: Тие бараат помалку напор околу нив, пријателски настроени се и лесни за тренирање.
