Местото „Топлик“ ќе добие нов парк кој ќе го носи името по локaцијата каде што се гради. Општина Гевгелија веќе ги започна градежните активности и како што велат оттаму местото „Топлик” е избрано како локација блиска до градот која има огромен потенцијал да прерасне во рекреативен центар.
– Проектот за уредување на просторот околу браната „Топлик“ беше дел од мојата предизборна програма за локалните избори во 2021 година, од таа причина беше иразботена техничка документација и истата веднаш беше аплицирана за реализација – изјави градоначалникот на Општина Гевгелија, Андон Сарамандов.
Тој информираше во рамките на апркот ќе бидат изградени летниковци, а ќе бидат поставени и клупи и масички за седење, како и корпи за отпадоци. Воедно, ќе бидат изградени и патеки за рекреација и поврзување на просторот, ќе бидат поставени патокази и канделабри на сончева енергија за осветлување на просторот.
– Важно е дека со реализацијата на овој проект нема да бидат предизвикани штети по животната средина и потенцијалот на природните богатства околу браната „Топлик“ – нагласи Сарамандов, додавајќи дека проектот е добиен преку програмата за „Зајакнување на општинските совети- Фаза 2“ и форумските сесии организирани од страна на УНДП.
