Романија во четвртокот откри неидентификуван објект во воздушниот простор на југоистокот на земјата, во близина на Црното Море, соопшти Министерството за национална одбрана, пренесува Anadolu Agency.
Мал предмет, веројатно беспилотно летало, бил откриен над Црното Море кој се движел кон Европската унија и членката на НАТО Романија во четвртокот околу 17 часот по локално време.
Тоа беше откриено од радарскиот систем за надзор на романските вооружени сили, соопшти Министерството.
Романија, која дели 650 километри граница со Украина, претходно имаше ситуации кога руски беспилотни летала влегоа во нејзиниот воздушен простор додека Москва ги напаѓаше украинските цели долж Црното Море и реката Дунав.
Three hours ago, a radar at the 57th "Mihail Kogălniceanu" airbase in Constanța county detected an unknown flying object 150km to the east above the Black Sea.
Two Romanian F-16s and two Spanish F-18 fighter jets took off and soon discovered a Russian drone. The drone entered… pic.twitter.com/eUeAJ4IXVl
— GeoInsider (@InsiderGeo) October 17, 2024
Фрагменти од руски беспилотни летала, исто така, повеќепати се пронајдени на романска територија во близина на границата со Украина. Во четвртокот, два шпански борбени авиони Ф-18 и два романски Ф-16 беа испратени да го надгледуваат објектот, за кој радарските сигнали покажаа дека влегол во романскиот воздушен простор во близина на крајбрежниот град Ефорие Норд и се движел околу 14 километри во внатрешноста.
Борбените авиони не ја забележале целта, која набрзо исчезнала од радарот, соопшти Министерството за национална одбрана на Романија.
