Српскиот тенисер Новак Ѓоковиќ е еден од шесте играчи кои заработија 1,5 милиони долари само со појавувањето на егзибицискиот турнир „Six Kings Slam“, а сега на виделина излезе логиката зошто е издвоена огромна сума пари.
Морган Менахам, кој е најпознат по тоа што е поранешен агент на Жо Вилфред Цонга, ја објасни логиката за делењето на толку многу пари. Покрај деветте милиони долари, што ќе им бидат поделени на играчите, оној што на крајот ќе ја освои титулата ќе однесе дома уште (значи дополнителни) шест милиони долари. Импресивни пари да се заработат на потенцијално два или три натпревари.
Идејата е самата егзибиција, каде што Ѓоковиќ во синоќешното полуфинале играше против Јаник Синер, а Рафаел Надал против Карлос Алакараз ќе ги привлече тенисерите почесто да доаѓаат во Ријад, но и да ја навикне публиката на фактот дека тенисот исто така се играше во Саудиска Арабија.
Менахам ја објасни логиката зад сето тоа.
„Тенисот е меѓународен спорт пар екселанс со многу личности, кои можат да го привлечат вниманието на голем број луѓе. За некој што сака да инвестира, помалку чини да му плати на Новак Ѓоковиќ неколку милиони за пет дена, отколку да финансира цел фудбалски клуб за една сезона. Би било интересно да се знае влијанието во однос на имиџот во двата случаи“, рече Менахет.
Така, идејата е јасна – многу пари за најголемите ѕвезди предизвикуваат најголем можен интерес. Одличниот ПР и маркетинг, одличната промоција на турнирот и правењето чекори во многу сегменти направија сè да биде многу, многу интересно, па дури и популарно низ светот.
