Во Ријад се игра егзибицискиот турнир „Шест кралеви на слемот“, а Саудијците најверојатно се покајаа уште првиот ден. Причината е повеќе од лесните победи на Карлос Алкараз и Јаник Синер, кои со право ги оправдаа улогите на фаворити, но не се очекуваше толку убедливо да бидат поразени Холгер Руне и Данил Медведев.
И додека Руне (кој игра многу лоша сезона и падна на 14. место) го задржа Алкараз на теренот во првиот сет, а на крајот загуби со 6:4, 6:2, што да се каже за Медведев кој се посрамоти во Ријад.
Синер го испрати дома за само 69 минути. Посебно болен беше првиот сет во кој Медведев не освои ниту еден гем, па „компирот“ заврши на семафорот во 27 минута. Во вториот имаше само малку подобар отпор, но беше јасно дека нема мотивација и падна по 6:3.
Но, далеку од тоа дека Русинот ќе си замине од Ријад незадоволен, бидејќи Саудијците подготвија огромна сума на пари за учесниците на турнирот. Така, секој од нив добил по 1,5 милиони долари, само за да се појави – додека победникот на крајот ќе си однесе награда од шест милиони евра. Се чини дека Русинот првично се задоволил со оваа „помала сума“.
Така пресметале дека Медведев за секоја минута на теренот во Ријад заработил 21.739 долари или дури 362 долари во секунда. Но, кој знае, можеби ја затвори вратата за некои идни турнири во Саудиска Арабија.
„Почувствував дека не можам ништо. Ден претходно одиграв спаринг меч против Карлос Алкараз и го одигравме целиот сет без брејкови. Сега Јаник лесно го враќаше секој сервис, рекол Медведев и додал дека тој дал максимум од себе:
„Овде премиите се двојно повисоки отколку на грен-слемовите, така што сите што дојдоа да играат максимално. Најлошо е кога се чувствуваш добро и не играш на максимално ниво, а јас се чувствував добро, огнот беше во моите очи не можев да се чувствувам подобро“.
