Киев е подготвен за прекин на огнот долж сегашната линија на фронтот во Украина без да признае губење на територија во замена за безбедносни гаранции од Соединетите Американски Држави и влез во ЕУ, пишува италијанскиот весник „Кориере дела сера“.
Во написот се забележува дека претседателот на Украина, Володимир Зеленски, за време на европската турнеја која ги вклучува Париз, Рим и Берлин, сака да добие гаранции за брз прием во Европската унија.
„Активноста на Зеленски го одразува неговото верување дека е дојдено време да се бараат начини за излез од конфликтот кои нема да ја клекнат Украина на колена“, пишува весникот, потсетувајќи дека во септември Украина ја загуби најголемата територија од почетокот на конфликтот.
Во исто време, големите украински сили „паѓаат во стапица“ на руска територија (во близина на Курск) и не можат да дојдат на помош во Донбас, каде руските сили се значително супериорни во однос на украинските.
„Зеленски мора да ги убеди Европјаните во неговиот политички план. Тој не може официјално да се откаже од територија, тоа е премногу за секој украински политичар. Но, тој е подготвен за прекин на огнот долж сегашната линија на фронтот, без признавање нови граници, во замена за западните гаранции “, посочува весникот и објаснува дека безбедносните гаранции на САД се базирани на моделот на Јапонија, Јужна Кореја и Филипините.
Украинскиот лидер претходно на прес-конференцијата по преговорите со хрватскиот премиер Андреј Пленковиќ побара од сојузниците барем да ја поканат Украина во Северноатлантската алијанса.