Етничката припадност е уставна категорија и затоа е потребен и нов закон, со кој ќе се предвиди не само етничката застапеност, туку и застапеност на сите категории луѓе што живеат во државата. Со тоа ќе има правична застапеност во институциите на системот, кажа министерот за здравство Арбен Таравари, по повод одбележувањето на Светскиот ден на менталното здравје.
„Уставниот суд одлучи за 100 дена Влада да ги извади на површина проблемите што таму седат со години. Тоа се проблеми што треба да се решат. Етничката припадност е уставна категорија, па затоа треба да има и нов закон. Законот е готов од наша страна, сега очекуваме мислења од меѓународни експерти и од Европската комисија. Се надевам дека набргу ќе го процесираме законот во парламентот, рече тој.
