На граничниот премин Товарник во Република Хрватска спречени се 632.900 таблети кои се на списокот на наркотични дроги, психотропни супстанци и растенија од кои може да се добијат дроги и супстанци кои можат да се користат за производство на дрога, известија денеска од ПУ на Вуковар-Срем.
Лекови, спакувани во осум кутии, имало меѓу другата стока во приколката на камионот со српски регистерски таблички со кој 32-годишниот државјанин на Србија се приближил на граничниот премин.
Возачот е уапсен, а врз основа на судска наредба извршен е претрес во камионот и приколката, во кои се пронајдени и одземени 632.900 таблети, информираат од полицијата.
По завршување на кривичната истрага, полициските службеници го предале осомничениот кај надзорникот на Полициската управа Вуковар-Срем, а кривичната пријава е испратена до надлежниот државен правобранител.
