Следната година ќе се покаже како клучен тест за француската војска бидејќи се трансформира во сила способна да се спротивстави на Русија, пишува Politico.
Во мај, француските војници ќе учествуваат на голема воена вежба во Романија наречена „Дакиска пролет 2025“, на која ќе се процени нивната способност брзо да се преселат на источното крило на НАТО. Тоа е нивната клучна должност доколку рускиот претседател Владимир Путин реши да нападне членка на Атлантската алијанса.
„Игравме војна. Сега постои специфичен непријател и ние обучуваме луѓе со кои всушност би војувале“, изјави за новинарите во петокот шефот на копнената команда на Армијата за Европа, генерал Бертранд Тужус.
Копнените сили на Франција во последниве години започнаа „длабока трансформација“ за да бидат подготвени за конфликт со висок интензитет сличен на војната во Украина. Француската армија има нови наредби од НАТО – до 2027 година би требало да може за 30 дена да распореди дивизија подготвена за војна, вклучувајќи муниција и залихи.
Француската армија за 10 дена ќе обучува бригади спремни за војна во Романија. Ова е чекор кој треба да го потврди кредибилитетот на Франција кај сојузниците во НАТО и да го отвори патот за постигнување на зацртаната цел во 2027 година.
