Шокантна вест ни доаѓа само еден ден по скопскиот „Визер“ маратон, а тоа е дека починал кенискиот шампион во атлетика, Кипјегон Бет, на 27-годишна возраст.
Додека деновиве Скопје дишеше во знакот на атлетиката, оваа вест ги шокираше сите љубители на спортот, иако не беше дел од маратонот, кој се одржа во нашата метропола.
Светскиот шампион до 20 години, на 800 метри, во 2016 година и сребрен со штафетата 4х800 на Светската штафета во 2017 година, починал поради здравствени компликации.
Покрај гореспоменатите успеси, Бет освои и бронзен медал на Светското првенство во Лондон, во 2017 година, на 800 метри.
Кениските медиуми јавуваат дека причина за смртта е сериозно оштетување на црниот дроб, кое влијаело и на други органи. Здравствените проблеми станале очигледни кога, пред неколку дена, побарал лекарска помош поради повраќање крв. И покрај максималните напори на лекарскиот тим, исходот бил трагичен.
sad news alert: just learnt that 2017 World Championships Bronze and 2016 Under 20 champion Kipyegon Bett is no more. He left us today after multiple organ failures. Rest in peace Bett 😭😭😭😭. @WorldAthletics #TeamKenya pic.twitter.com/lLHGFj88Yq
— Charity Wanja (@CMuturi) October 6, 2024
Бет беше суспендиран поради допинг поради позитивен тест на ЕПО и се врати на патеките во 2022 година. Но, оттогаш не забележа ниту еден позначаен резултат во светот на атлетиката.
