Израелската армија (ИДФ) соопшти дека нападнала подземен тунелски премин од Либија во Сирија. Тој тунел долг 3,5 километри се користел за пренос и складирање на големи количини оружје, објави Ројтерс.
Според ИДФ, тунелот бил управуван од единицата 4400 на Хезболах, која има задача да доставува оружје од Иран во Либан. Во нападот е уништен тунел низ кој се транспортирало и складирало оружје, како и воени згради, кои биле користени како магацини, соопшти ИДФ.
ИДФ соопшти дека ги засилила напорите да спречи било какво оружје од Иран да биде доставено до Хезболах преку Сирија.
Во вторникот, командантот на единицата 4400 на Хезболах беше убиен во напад на Бејрут. Инаку, за време на денешниот воздушен напад на либанскиот град Марџаун, израелски проектил падна на пет метри од влезот на главната болница, по што беше донесена одлука за привремена евакуација на медицинскиот персонал, изјави директорот на болницата Мунес Клакеш.
„Никој од персоналот не беше повреден во нападот, но решивме привремено да се евакуираме додека безбедносната ситуација не биде појасна“, додаде тој, пренесе Ројтерс.
Израел извршува воздушни напади врз, како што вели, позициите на Хезболах во Либан, а на 1 октомври започна копнените операции во јужен Либан.
Израелскиот министер за одбрана Јоав Галант денеска изјави дека Израел има „повеќе изненадувања за Хезболах“ додека израелските копнени операции продолжуваат во јужен Либан.
„Хезболах доби многу сериозни удари, еден по друг. Го елиминиравме лидерот на движењето, Хасан Насрала, и имаме уште изненадувања, од кои некои се веќе извршени, а некои допрва треба да се извршат“. , изјави Галант за време на посетата на штабот на 36-та дивизија на вооружените сили на северот на Израел, објави Тајмс оф Израел.
Припадниците на трупите на таа дивизија дејствуваат во операции во јужен Либан.
Израелскиот министер додаде дека ракетната дивизија на Хезболах претрпела многу тежок удар, а значителен дел од неа е уништен во висококвалитетна и прецизна операција.
