Ќерката на легендарниот Формула 1 возач Михаел Шумахер, Џина, се омажи за својот партнер, Јаин Бетке, на Мајорка. Тие го прославија овој голем настан во друштво на семејството, пријателите и на најблиските.
Се појавија шпекулации дека нејзиниот татко, и покрај лошата здравствена состојба по повредата при скијање во 2013 година, присуствувал на свадбата.
Семејството Шумахер со години ги чува строго доверливите приватни информации за состојбата на Михаел, додека закрепнува тој во својот дом покрај Женевското Езеро во Швајцарија.
Сепак, секоја вест за него предизвикува големо внимание. Елизабета Грегорачи, поранешната сопруга на Флаво Бријаторе, еднаш изјави дека Шумахер комуницира со семејството со очи и дека само три лица имаат право да го видат, но семејството никогаш не ја потврди оваа информација.
- Михаел не зборува, комуницира со очите и само тројца луѓе смеат да го видат, а јас знам кои се тие. Тие се преселија во Шпанија и неговата сопруга му изгради болница во таа куќа – изјави Елизабета Грегорачи, поранешната сопруга на шефот на познатите тимови во Формула 1.
И покрај тоа што предизвика голема бура со оваа изјава, сепак, семејството никогаш не ги потврди тие гласови, како и многу други.
