Статуа на голиот републикански претседателски кандидат на изборите во САД, Доналд Трамп, е поставена на автопатот северно од Лас Вегас, објавија локалните медиуми.
Статуата висока околу 13,5 метри се наоѓа во ограден простор до автопатот 15, а е поставена пред два дена, пишува порталот The Wrap. На него е прикажан намуртениот Трамп чии раце можат да се движат користејќи јажиња, пишува Independent.
Авторите, кои не се именувани, изјавија за порталот дека нивната работа е „храбар израз на транспарентноста и ранливоста на јавните и политичките личности“.
Како што додаваат, се надеваат дека нивната работа ќе поттикне дискусии за транспарентност во политиката, како и ќе ги наведе набљудувачите да размислуваат критички за политичкото влијание.
Проектот е дело на уметнички колектив познат како Индеклајн. Како што наведоа, статуата ќе ги менува локациите, но засега не се знае кога и каде се ќе биде поставена.
Ова не е првпат во Америка да се појавуваат статуи на гол Трамп, па во 2016 година во неколку големи американски градови беа поставени пет такви фигури.
Во 2016 година социјалните мрежи на Американците беа преплавени со фотографии и селфи со статуи на голиот Доналд Трамп, кои реално го прикажуваа републиканскиот кандидат за претседател.
Статуите на Доналд Трамп целосно голи во природна големина се појавија насекаде низ САД: во Њујорк, Лос Анџелес, Сиетл, Сан Франциско и Кливленд. Статуите беа проект на активистичката група INDECLINE, на скулптор од Кливленд.
