Пазарот на кафе не мирува, а како што неофицијално дознава Политика до крајот на годинава може да се очекува уште едно поскапување на овој производ.
Колку ќе поскапи ќе зависи од движењето на цената на суровините и од неколку фактори кои одамна не се во рацете на овој сектор.
Двата најголеми светски производители не носат добри вести. Бразил нема дожд од април, а Виетнам веќе најавува 25 отсто помал род. Понудата на кафе моментално е во дефицит, а побарувачката дури и благо расте, а кога сето тоа ќе се сумира во синџирот на снабдување, доаѓаме до фактот дека наскоро ќе чекаме повисоки цени за овој производ, пишува Политика.
Од мултинационалната компанија „Атлантик Група“ не потврдија дека ќе има поскапувања, но објаснија дека веќе подолго време работат во амбиент на високи цени на суровини и услуги. Кога станува збор за кафето, објаснија, станува збор за послаба реколта, логистички проблеми со пристигнувањето на бродовите, мала достапност на кафе на лице место, вклученост на средства на берзите.
Според информациите на трговците веќе се чувствуваат комерцијални притисоци преку намалувањето на попустите за два отсто, што е првиот показател дека ќе следи промена на цените.
Последното поскапување на кафето беше во јули, кога цената беше зголемена од 30 на 55 динари за сто грама кафе, исто така поради работењето во амбиент на високи цени на суровините и услугите кои важат во светот.
