Францускиот претседател Емануел Макрон, ја презеде иницијативата и на маргините на Генералното собрание на ОН се сретна и разговараше со иранскиот претседател Масуд Пезешкијан, повикувајќи го Иран да го поддржи генералното смирување на ситуацијата на Блискиот Исток.
– Претседателот на Републиката ја подвлече одговорноста на Иран да обезбеди поддршка за општо намалување на тензиите, како и да го искористи своето влијание во оваа смисла со дестабилизирачките актери кои ја добиваат неговата поддршка, во напредокот кон прекин на огнот во Газа и прекин на на воените дејствија – истакнаа од Елисејската палата по оваа средба.
Во Париз се нагласува дека средбата се одржала во време кога меѓународната заедница стравува од ширење на конфликтот во регионот, со отворање на нов фронт меѓу Израел и Либан во кој Иран го поддржува Хезболах.
Исто така, закупецот на Елисеј побарал Пезешкијан веднаш да ослободи тројца француски државјани кои, како што се посочува, две години самоволно се држат како заложници во иранските затвори. Двојката Сесил Колер и Жак Пари беа уапсени во мај 2022 година под обвинение дека се шпиони, како и лице по име Оливие, чие презиме не и е познато на јавноста. Француските власти ги нагласуваат нехуманите затворски услови, а претседателот Макрон подвлече дека нивното ослободување е основа за какво било подобрување на билатералните односи меѓу двете земји.
Локалните медиуми јавуваат дека француската дипломатија ги смета овие затвореници за „државни заложници“. Се посочува дека Иран апси западњаци без причина за подоцна да ги користи како „парица за поткуп“ во преговорите со други земји. Се потсетува дека минатата година Иран ослободи двајца Французи, Бенџамин Бриер и Бернард Фелан, како и еден ирски затвореник. Во јуни, Луис Арно беше ослободен.
Макрон и Пезешкијан разговарале и неодамна пред оваа средба, во август, телефонски, кога францускиот претседател, како што се нагласува, побарал од својот ирански колега да направи се за да спречи нова воена ескалација во регионот.
